NAMAZ JUMMA - E - FAZAAIL

ALLAMA NAIMUDDIN..alayhirrehmah.. farmate hai.. Aaqa..Sallallahu alyhi wasallam.. jab hijrat kar ke madina mai tasrif laye thu 12rabiul awwal din .. phir ko chasht ke waqt muqaame qubaa me ruke..pjir mangal  budh.. jumeraat.. usi jaga aur masjid ki buniyath rakhi aur juman ke din madina ka iraaqa farmaya.. baani saleem ibne auwf ke  bath waadi e jumah waqt aaya.. us jaga ko loga  masjid banaya .. aur waha jummah aadah farmaya. aaj bhi us jaga pe shandaar masjid jumah qaaem hai..

Mufti Ahmed yaar khaan naiimi…alayhirrehmah..farmate hai..Isi din me tamam makhluqaat jama hui

Hazrate Adam…alayhissalaam..ki mitti isi din jama hui Is din me log jama hokar namaaze jumah ada karte hai….isi wajah se ise jumah kehte hai.hamare Aaqa…sallallahu alayhi wasallam…ne lagbhag 500 jumeh ada kiye…isliye ke jumah hijrat ke bad suru huwa jis k bad 10 saal zaahiri hayaat shrif rahi or is arse me itne jumeh hote hai…Khzaainul irfaan

JUMAH FARZ NAAKHOON..AMAAMAH

Aaqa…sallallahu alayhi wasallam…farmate hai.. Jo bhi 3 jumah susti ki wajah se chor de Allah us ke dil par mohar kar dega…jumah farze aain hai… Or iski farziyat ka inkaar krnewala kaafir hai

Farze aain ka matlab…. shartein payi gayi aur koi shraii majburi nahi to har haal me padhna hi hai…

Aaqa…sallallahu alyhi wasallam..farmate hai ke.. Beshak Allah aur us ke fariste jumah ke din amaama baandhne waalon par durud bhejte hai.Marvi hai k… Jo bhi jumah ke din apne naakhun katta hai Allah taala usse bimaari nikaal kar shifa daakhil kar deta hai

Al mustadrak..jild..1..safa..89.Durre mukhtaar maa-Raddul mohtaar.Jild..3…safa..3,Majmauzzwaaid..jild..2..safa..394,Ibne abi shaibah..jild..2..safa..65

Jumah k din naakhun kaatne ke bare me kuch or maalumaat

Allama Amjad Ali aazmi…alayhirremah…farmate hai ke… Hadise paak me hai.. jo jumah k din naakhun tarashwaye Allah usko dusre jumeh tak balaaon se mehfuz rakkhega aur 3 din zyada yani 10 din tak aur aik riwayat me hai ke..Jo jumah ke din naakhun tarashwaaye to rehmat aayegi gunah jayenge…

NOTE… Hajaamat banwana aur naakhun tarashwana jumah ke bad afzal hai…

Allama sahab farmate hai…. Jumah ke din naakhun tarashwana mustahab hai…han agar zyada badh gaye hon…to jumeh ka intizaar na karein…ke naakhun bada hona achcha nahi kyun ki naakunon ka bada hona rozi..rizq me kami lata hai.

Tazkiratul mawzuaat,Tanziyatus shariyah,Durre mukhtaar maa Raddul mohtaar,Bahaare shariyat

Farishton ke register...

Pehli sadi (century) ke musalman aur jumah…

Aaqa…sallallahu alayhi wasallam…farmate hai…Jab jumah ka din aata hai to masjid ke bahar darwaze par farishte aanewale ko likhte hai.. Jo pehle aaye usko pehle likhte hai.Jaldi aanewala us shakhs ki tarah hai jo Allah ki raah me aik uunt sadqa karta hai..Us ke bad aanewala us shakhs ki tarah hai jo aik gaay sadqa karta hai.Us ke bad aanewala us shakhs ki trah hai jo mendha sadqa kare..Fir jo aaye wo aysa ke jo murghi sadqa kare…Fir us ki tarah hai jo anda sadqa kare..aur jab imaam khutbe ke liye beth jata hai to farishte aamaal naame ko lapet lete hai aur aakar khutba sunte hai…

Sahih bukhaari Jild…1…safa..128 

Mufti Ahmed yaar khaan naimi..alayhirrehmah…farmate hai..Baaz ulma ne farmaya… Farishte jumah ke din tulu e fajr se khade hote hai….kuch ke nazdik suraj chamakne se…magar Haq ye hai ke suraj dhalne se suru hote hai kyunki. usi waqt se jumah ka waqt shuru hota hai…malum huwa ke fariste sab aanewaalon ke naam jaante hai… Yaad rahe ke agar pehle aanewaalon me 100 aadmi aik sath masjid me aaye to sab ke sab pehle hai..

Imaam ghizaali..alayhirrehmah..farmate hai.. Ke pehli sadi me sehri ke waqt aur fajr ke bad raaste logon se bhare hote the…log chiraag lekar jaame masjid ki traf jaate jayse eid ka din ho..Afsos ab subha sawere ham bazzaron ki taraf jaate hai… aur kitne to 9 baje ke bad hi so kar uthte hai…Allah dil o nazar ki paakiizgi ata farmaye….Aamin… 

Ihyaul ulum..jild…1…safa…246,Miraat…jild..2..safa..340

NAMAAZE JUMAH ki pehli shart…Shaher ( city ) hona…

Imaamme Aazam ke nazdik shaher us imaarat waali aabaadi ko kehte hain jis mein kayin koonche ( corner..nukkad ) hon.. permenent baazaar hon.. us ke under mein kayin gaanw hon.. Us mein haakim ho logon  k jahgdon or muamlaat ke faisle hote hon.. aur logon ko insaaf milta ho.. aur insaaf par qudrat ho.. chaahe wo naa-insaafi karta ho.. badlaa na leta ho…

Bahare shariyart..,Fatawa razwiya…

Jo log shaher ke qarieb gaanw mein rehte hon unko shaher mein jumah padhne jaana chahiye.Gaanw ( village ) mein jumah naa-jaaiz hai.. agar padha to gunahgaar honge.. aur padhne walon par zohar baaqi rahegi..

Jin gaan-won mein jumah nahi hota wahan jumah na padhaya jaaye.. aur jin gaanw-won mein pahele se padhaya jaata ho wahan band na karaaein.Jo log gaanw me jumah padhte ho unko roka na jaaye ke aam log jis tarah bhi Allah o Rasool ka naam lein unko lene dein ke.. agar unko roka to wo dusri namaazein bhi chhod dete hain.

Jis maqaam.. jaga ke shaher ya gaanw hone mein ikhtilaaf ho ( confusion ) ya shak ho aysi jaga ke liye Ulmaye Kiraam ne hukm diya k 4 rakat zohar ki bhi padhein..aur jumah bhi padhein..Lekin ye hukm khaas logon ke liye hain ( us ilaqe ke sar karda aur diini rehnuma ).. aam log jinko zyada ilm na ho to un ke liye nahi.

Bahare Shariyat,Gatawa razviya

Namaaz e jumah ki dusri shart SULTAANE ISLAAM HONA

masjid me 5 waqt ki namaazon ke liye jo imaam hota hai wo jumah ke liye bhi muqarrar hote hai …jinhein aam log imaamat ke liye rakhte hai ya trust ke rakkhe huwe par razamand hote hai isliye unko jumah ka khutbe aur imaamat ka haq haasil hai..jis tarah namaaz ke liye wuzu zaruri hai lekin paani par qudrat ( milna possible ) na ho to tayammum uska badal hai…( option ) Isi trah Sultaane islaam ke badle jumah ke liye musalmanon ka kisi ko nakki karna Sultaan ke nakki karne jaysa hai..ayse imaam ka qaaem kiya huwa jumah jaaiz hai.

Fatawa e razviya Jild..3…safa…718..682

Namaaz e jumah ki tisri shart ZOHAR KA WAQT HONA

jumeh ke khutbe aur namaaz ke liye zohar ka waqt hona shart hai…agar zohar ka waqt shuru honese pehle khutba padh liya to khutba na huwa aur jab khutba na huwa to jumah na huwa.agar jumeh ki namaaz me itni der kardi ki zohar ka waqt khatm ho gaya to jumah baatil ( na hona ) huwa..zohar padhni hogi.

khutba zikre Ilaahi ka naam hai…agar aik bar khutbe ki niyyat se …AL HAMDU LILLAAH…ya….SUBHALLAAH…ya…LA ILAHA ILLALLAAH…kaha to khutbe ka farz ada ho  jayega magar aysa karna makruh hai.

jumah ki namaaz k liye khutba shart hai…khutbe ke baghair namaaz e jumah baatil ( na hona ) hai…

BAHAARE SHARIYAT..DURRE MUKHTAAR..RADDUL MOHTAAR..FATAWA RAZWIYA.. 

NAMAZE JUMAH KI chothi shart Khutba waqte zohar..

Khutba allah ke zikar ka naam hai..agar aik baar khutbe ki niyat se Alhamdulillah..Subhanallah..Ya Laailaa ha illallah..kaha to itna kehne se bhi khutbe ka farz adaa ho jayega magar aysa karna makruh hai.

Jumah ke liye khutba shart hai..khutbe ke baghair jumah baatil ( adaa na hoga ) hai..Jo shakhs khutba na padh sake to wo jumah ka imaam nahi ho sakta.

Masjid mein jo imaam mu-aii-yan () hai uski ijazat k baghair dusra koi khutba nai padh sakta..agar padhega to khutba jaaiz na hoga..aur khutba jumah ki shart hai..aur khutba na huwa to namaaz bhi na hogi.

Khatiib ka kutbe ke waqt haath mein asaa lena kuch ulma sunnat kehte hain aur kuch ulma makruh kehte hain..aur agar sunnat maan liya jaaye to bhi sunnate muakkadah nahi..to ikhtilaaf ki wajeh se na lena behtar hai agar koi uzr ya fitne ka dar na ho.

Do khutbe padhna sunnat hai..khatiib ka khutbe me quraan ki aayat na padhna ya do khutbe k biich me na bethna makruh hai..Dono khutbe ke darmiyan imaam ka dua mangna jaaiz hai.Jo kaam namaaz me karne ki ijaazat nahi..haraam hai..wo kaam khutbe ki haalat mein bhi haraam hai.

Khutba sunna farz hai..kisi namaazi tak aawaaz na pohonchti ho tab bhi adab ke sath sunna waajib hai..Khutbe ke waqt sunne wale ko aik ghunt paani bhi piuna haraam..kisi taraf gardan ghuma kar dekhna bhi haraam hai.

Khutbe mein Huzur..sallallahu alayhi wasallam..ka naam sunkar dil mein durud padhe..zabaan se khamosh rehna farz hai.

Durre Mukhtaar..Raddul mohtar,Fatawa Razwiya..Aalamgiri,Bahare shariyat,Jaameur Rumuz

Namaaz e jumah ki paanchvin aur chatti shart NAMAAZ SE PEHLE KHUTBA HONA AUR…JAMA’AT HONA

khutba waqt par hona aur namaaz se pehle hona shart hai..agar jumeh ki namaaz ke liye khutba huwa hi na ho ya namaaz ke bad padha to namaaz na hui.

DURRE MUKHTAAR…BAHARE SHARIYAT…

jumeh ki namaaz ki jamaat ke liye kam az kam 3 muqtadi hona zaruri hai…dusri namaazon ki trah aik ya do muqtadi se jumah ki jamaat qaaem nahi ho sakti.

 Jumeh ki jamaat ke liye imaam ke ilawa kam az kam 3 mard muqtadi hona  zaruri hai.Agar 3 mard se kam muqtadi honge to jumeh ki jamaat sahih nahi..

AALAMGIRI..TANWIRUL ABSAAR..FATAWA RAZWIYA…Jild ..3…safa..683

Jumah ki 7 wi shart IZNE AAM HONA…AAM IJAZAT ( kisi ko bhi aanese roka na jaaye izne aam matlab aam ijaazat ho ke jo bhi musalmaan chaahe jumah padhne aaye ..kisi ko rok tok na ho..Agar masjid mein jumah padhne ke liye jama ho gaye aur masjid ka darwaaza band kar ke namaaz padhi to jumeh ki namaaz na hui.

AALAMGIRI…

jo bhi masjid me aakar apni zabaan se logon ko taklif deta ho usko masjid se nikaalne ka hukm hai.Kyunki jiski wajah se naa haq fitna uthta ho use masjid se rokna zaruri hai.

JUMAH PADHNA KIN PAR FARZ HAI

7 shartein jinme paayi jaayegi un par hi jumah farz hai…

huriyat… ( aazaadi )zakurat… ( mard hona )aqal hona ,baaligh hona,muqiim hona… ( musafir na ho ),itna tandrust k hazir hokr jamaaat me shamil ho sake dushmn ka khauf…zaalim haakim ka dar…khub zodaar baarish…aandhi tuufaan..( Ye saari baatein na ho )..ye tamam shartein jin mein paayi gayi unpsr jumah farz hai..

Durre mukhtaar Fatawa razviyah Jild..3…safa…746

JUMAH KI…7…SHARTON KI TAFSIL

aazaad hona…ghulaam na ho…is dor mein ab ghulaam ka riwaaj khatm ho gaya..ab sab aazaad hi hai..

mard hona…ke awrat par jumah farz nahi..jumah ke din awrat zohar padhe…

baaligh…ke naabaaligh par jumeh ki namaaz farz nahi…

jumah paagal par farz nahi… Shart number 3 or 4…. aaqil or baaligh hona… Ye shartein har ibaadat ke waajib hone ke liye zaruri hai..

Naabaaligh jumeh me sharik ho sakta hai… Naabaaligh jumeh ki namaaz ki imaamat bhi nahi kar sakta or khutba bhi nahi padh sakta…

Muqiim hona…ke musafir par jumah farz nahi…

tandrust hona…. Bimaar na ho…Wo biimaar ke masjid tak na jaa sake ya gaya to bimaari badhegi ya der me achchi hogi…

agar jumah padne jata hai to piichese maal saamaan chori hone ka yaqin ho or aysa koi maujud nahi ke jisko sonp kar jaa sake to juma farz nahi..

Yani aysa koi amr ( kaam ) na ho jo shadiid nuqsaan se do chaar kar de..Jayse..qaid hona..zaalim haakim ka dar…kisi ne zabardasti roka ho..aandhi…tuufaan..ke Masjid tak jaa na sake.

AALAMGIRI…BAHAARE SHARIYAT…FATAWA RAZWIYA…RADDUL MOHTAAR…

Quraan ki aayat…Jumah ki rakatein..Ahaadiis ka mafhum…Jumah ke ahkaam …

Aye immanwalo jab namaaz ki azaan ho jumah ke din to allah ke zikar ki traf dodho aur kharid o farokht chodo…

 Kanzul imaan,Para..28..sure..jumah…Aayat nmbr…9 …

MAFHOOME AHAADIIS...

Jisne achchi tarah wuzu kiya fir jumah padha..khutba suna..chup raha.. uske wo gunah maaf kar diye jayenge jo is jumah aur isse pehle ke jumah ke biich huwe..

Mene socha ke aik aadmi ko namaaz e jumah padhane ka hukm dun or jo jumah ke liye na aaye un ke gharon ko jalaa dun…

 jo 3 jumah susti ki wajah se chode allah us ke dil par mohar kar dega…jo 3 jumah bagair shraii majburi k chode wo munaafiq hai..jo 3 jumah bagair uzr chode wo munafiqon me likh diya gaya..jo 3 juma musalsal (without gap) chode usne islam ko piith ke piiche phaink diya..

jumah ki azaan hote hi kharid o farokht (karobari len den) haraam ho jata hai..aur duniya ke wo tamam kaam jo allah ke zikar se beparwah kare…sab kaam isme aagaye…un tamam kaamon ko chod dena zaruri hai..jumah farze aain hai aur iski farziyat zohar se zyada hai.. Is ke farz hone ka inkaar karnewala kaafir hai..jis desh me musalmanon ki hukumat hai ya thi aur ab gairon ka qabza hai or islaam ki pehchan ke kaam baghair kisi taklif ke chal rahe hai….Jaise hindustaan or bangla desh  ke tamaam sheher hai ye sab islami cities hai….in mein jumah farz hai…

JUMAH KI RAKATEIN

4 rakat sunnate muakkadah,2 rakat farz,4 rakat sunnate muakkadah,2 rakat sunnate gair muakkadah,2 rakat nafl,,,,Kul 14 rakatein hai…

KANZUL IIMAAN…ABU DAAUUD..NISAAII WA TIRMIZI…IBNE MAAJAH…BEHRUR RAAIQ…TAFSIRE KHAZAA INUL IRFAN..

MUKHTALIF MASAAIL

jo log sheher ke qariib gaanw me rehte hon unko chahiye ke city me aakar jumah padh jaaye.gaanw (village) me jumah naajaaiz hai…agar padhenge gunahgaar honge…or zohar un par baaki rahegi.jis gaanw me jumah nahi hota wahan shuru nahi karna chahiye..aur. jahan hota hai wahan band nahi karna chahiye..ke awaam jis bhi jaaiz tariqe se allah ko yaad karte hon karne dein…ke rokne se mumkin hai wo zohar bhi chor de.masjid me jo khatiib o imaam nakki hai fix hai uski ijaazat ke baghair koi dusra khutba nahi padh sakta… agar padhega khutba jaaiz na hoga…or khutba na hoga to namaaz bhi na hui..ke khutba sharte jumah hai.

khatib ka khutbe ke waqt haath mein asa ( danda jo aam tor par masjidon me mimbar ke qariib rakkha hota hai ) kuch ulma ne sunnat likha hai aur kuch ne makrooh likha hai…aur.zahir hai agar sunnat bhi ho to sunnate muakkadah nahi isliye haath me asa lenese bachna behtar hai agar koi majboori nahi.

sunnat ye hai ke 2 khutbe padhe jaaein.khutbe me quraan ki aayat na padhna ya dono khutbon ke biich mein na bethna makrooh hai.dono khutbon ke biich mein imaam ko dua maangna jaaiz hai aur muqtadi dil me dua mange..zabaan ko harkat na de to jaaiz hai.

SHARHE WIQAAYA…BAHARE SHARIYAT…FATAWA RAZWIYA…Jild..3…safa..684..723..764..728….AALAMGIIRI…DURRE MUKHTAAR…

jo kaam namaaz ki haalat mein karna haraam aur mana hai wo khutbe me bhi karna mana aur haraam hai.khutba sunna farz hai aur is tarah sunna farz hai ke pure tor par dhyaan usi taraf ho kisi kaam ki taraf na ho…jism ke tamam aaza usi traf mutawajjeh rakkhein…ye waajib hai..Agar kisi khutba sunnewale tak aawaaz na pohinchti ho jab bhi use chup rehna aur mutawajjeh rehna waajib hai…kisi bhi kaam me mashgul rehna haraam hai.khutbe ke waqt khutba sunnewala do zaanu ( namaaz me bathte hai waise ) ho kar bethe…aur jise do zaanu bathne me taklif ho vo aalti paalti ( palaathi..falaati ) se bhi baith sakte hai.khutbe ke waqt sunnewale ko aik ghunt paani pina bhi haraam hai aur kisi taraf gardan ghuma kar dekhna bhi haraam hai.khutbe ke waqt salaam ka jawab dena bhi haraam hai.khutbe ki jo azaan hoti hai uska jawab dil me dein zabaan se na dein..Aaqa ka naam sun kar anguthe na chume… dil me durud padhein zabaan se kuch na padhe… Ke us waqt  khaamosh rehna farz hai.Us waqt wazife padhna jaaiz nahi or nafl namaaz padhna bhi gunah hai.khatiib khutbe me dua kare to sunne walon ko haath uthana ya aamiin kehna mana hai…karenge to gunahgaar honge.khutba sunne ke doraan harkat mana hai…khade hokar sunna sunnat ke khilaaf hai..Awaam me dekha gaya hai ke khutbe ke aakhri alfaaz… Wala zikrullaahi taala…. Par hi khatib hota hai aur log khade ho jaate hai… Ye haraam hai..ke abhi khutba khatm nahi huwa.

DURRE MUKHTAAR..BAHARE SHARIYAT…FATAWA RAZWIYA…Jild…3..safa..697..683..384..759..709..704..743..JAAMEUR RUMOOZ…AALAMGIIRI…FATHUL QADIIR…RADDUL MOHTAAR…GHUNIYA. FATAWA RAZWIYA…Jild..3…safa.695..698..696

kisi ne khutbe se pehle ki 4 rakat sunnat shuru ki aur khatib ne khutba suru kar diya to 2 rakat par hi salaam pher de…aur khutba…farz namaaz..aur bad ki sunnaton ke bad ye 4 sunnat padhe…

jumeh ki namaaz me agar sajd e sahw waajib huwa aur agar imaam ye sajda karta hai to muqtadiyon me gadbadi aur fitna phelne ka dar hai to ulma ne in sajdon ko  chodne (na karne ki) ki ijaazat di hai…bal ke jumah mein sajda e sahw chodna behtar hai.

jumah ki pehli 4 sunnat chut gayi to jamaat ke baad wali sunnat ke bad….ye 4 sunnat padhe….ye ada hogi qazaa nahi.

jin masjidon me jumah nahi hota un masjidon ko zohar ke waqt band rakkha jaye.

gaanw me jumah ke din masjid mein zohar ki namaaz azaan o iqaamat ke sath baajamaat padhe..

AALAMGIIRI…BEHRUR RAAIQ…DURRE MUKHTAAR…RADDUL MOHTAAR..BAHARE SHARIYAT…Jild..3..4..safa…99..102 ..FATAWA RAZWIYA…Jild..3…safa..689..619..461..611 

murtad..munaafiq..gumraah aur bad aqidah firqe ke log jo Aaqa…sallallahu alayhi wasallam..ki shaan me gustakhiyan aur be adabiyan karte hai aur bhole bhaale musalmanon ko apne fareb me phansa kar unka imaan tabah karte hai…ayse logon ko masjid mein aanese rokna chahiye.

Mafhume hadis…

Unse alag raho..unhein apne se duur rakkho..kahin wo tumko behka na dein..kahin wo tumhein fitne me na daal dein.. MUSLIM SHARIF…

har muuzi ko masjid se nikaalna..apni taaqat bhar waajib hai..chahe sirf  zabaan se takliif dene wala ho…khaaskar badmazhabiyat phelanewale ko aur gumraahi phelaane wale ko.murtad ka saf me khada hona jaaiz nahi..unki namaaz namaaz hi nahi..to jiski namaaz namaaz hi nahi to uska saf me khada hona saf ko kaat dega..aur ye haraam hai…lihaza jo taaqat rakhte hon unpar farz hai ke wo un murtadon aur munaafiqon ko masjid me aanese roke aur musalmano ki namaazon ko kharab honese bachayein.

is dor ke munaafiqin or murtadiin me wahaabi..dewbandi..ghair muqallid ( salfi )..najdi..mirzaaii..waghaira baatil firqon ka shumaar hota hai..inki pehchaan ke liye.. Hussaamul haramain…kitab mein iski tafsil padhein…

FATAWA RAZWIYA.. Jild..6..safa…103..106..109..433..448

jo bhi mariiz ka timaardaar (dekrekh karnewala) hai aur jaanta hai ke jumah ke liye jayega to mariiz takliif me aa jaayega aur koi tawajjeh nahi dega to uspar jumah farz nahi.wo naabiina (andha) jo khud masjid tak taklif ke baghair jumah ke liye na ja sake uspar jumah farz nahi..Kuch nabina baghair taklif ke aur kisiki madad ke baghair bazaron aur raston par phirte hai aur jis masjid chahe baghair puche jaa sakte hai…unpar jumah farz hai.jiska aik pair kat gaya ya faalij ( laqwah ) ki wajah se bekaar ho gaya..agar wo masjid tak jaa sakta hai to uspar jumah farz hai… Warna nahi.

jo bhi kisi wajah se jumah na padh sake wo baghair azaan o iqaamat  zohar ki namaaz akele akele padhein…chahe jitne bhi log ho…unko bhi zohar ki namaaz jamaat se padhna mana hai.

maazuur matlab woh kiske pass kio jumah na padhne ka sharai majburi hai. uske liya bhi bahtar yah hai ki wo zohaar ki namaaz .. jumah ki namaaz ke bath padhe.. ke jumah se pehle padhna mahrooh hai. jumah ki namaaz jaldi jana.. miswaak karne .. acche saaf kapde pahenna.. tel aur khusbu lagana mustahab hain.. jumah ke din gusal karne sunnat hai.. hajamath banana aur naakhun tarashwana jumah ki namaaz ke bad afzal hai..

AALAMGIRI.. DURRE MUKHTAAR.. GHUNIYAH... BAHARE SHARIYATH ... JILD 4... SAFA 102...

RUDDUL MOHTAAR....